O noso alumnado da ESO e de 1º de Bacharelato participa neste curso, que vimos de estrear, na campaña “Aquí tamén se fala”, en colaboración co comercio da nosa zona.
Agardamos que sexan moitos os locais que se adhiran a esta iniciativa grazas ao activismo da nosa rapazada, que se implicará activamente para facelo posible.
En Pi e Margall fálase galego, e así o amosarán os numerosos comercios que colocarán o cartel nas súas portas e, así o demostraremos.
Graciñas! Aquí tamén se fala!
Moi bos días a todos e todas!
Durante as últimas semanas, o verán regalounos instantes para deternos. Raios de sol que nos encheron de enerxía, noites tranquilas para soñar en grande, aventuras que nos fixeron rir e momentos de calma para simplemente respirar.
Tivemos tempo para descansar, para recargar pilas e mirar a vida desde outro ángulo… e agora, con esa forza renovada, volvemos atopármonos aquí, neste lugar que é moito máis que un colexio: é un espazo onde as ideas crecen, as amizades se fortalecen os retos nos transforman.
Hoxe, damos a benvida a un novo curso, e con el por centos de oportunidades. Oportunidades para descubrir o que somos capaces de facer, para aprender dos nosos acertos e tamén dos nosos erros. Aquí ninguén empeza de cero: todos traemos na mochila o que vivimos, o que aprendemos e a ilusión polo que está por vir.
Non teñamos medo: medo a equivocarnos, medo a preguntar, medo a tentar algo novo. Porque cada paso —mesmo os que parecen pequenos— achéganos a converternos na mellor versión de nós mesmos.
Este curso é como mergullarse nun mar novo. O verán foi a beira na que tomamos aire, na que loitamos contra o lume… e agora é o momento de zambullirnos sen reservas, de nadar con curiosidade, de explorar cada recuncho do coñecemento e de compartir a viaxe con quen nos rodea.
Así que, respiremos xuntos, levantemos a mirada e démoslle a benvida a este novo curso que promete ser tan intenso como inesquecible e no que cumprimos cen anos!
