venres, 20 de novembro de 2026

1º PREMIO IRMÁN REBOIRAS.

 Rumbo a Santiago!

O noso colexio recolle o 1.º Premio Irmás Reboiras 🏆

Hoxe é un día moi especial para toda a nosa comunidade educativa. A coordinadora do noso EDLG viaxou ao Consello da Cultura Galega, en Santiago de Compostela, para recoller o 1.º Premio Irmán Reboiras ás iniciativas de fomento do uso do galego polo proxecto “Da memoria ás novas voces”.

Este galardón recoñece a nosa aposta firme por facer do galego unha lingua viva, real, diaria e espontánea no colexio. A través dunha profunda unión entre a tradición e os recursos dixitais, puxemos en marcha o noso Museo Vivo da etnografía galega guiado polo propio alumnado, ao tempo que desenvolvemos podcasts, conectamos coa música actual e creamos iniciativas como “O meu dicionario galego” para deixar un legado duradeiro ás vindeiras xeracións.

O corazón desta iniciativa latexa no intercambio entre xeracións, rendendo unha homenaxe indispensable á memoria viva das nosas avoas e familias, coas que compartimos historias, refráns e a elaboración tradicional das sobremesas do Entroido.

Este proxecto acadou unha verdadeira cohesión social grazas á entrega e ao labor conxunto de todo o equipo docente, compañeiros e compañeiras do centro, as nosas familias, os nosos maiores e o noso alumnado.

Moitísimas grazas a cada un de vós por sumar esforzos e facer posible este recoñecemento!

Ningún comentario:

Publicar un comentario