Novas expresións

Quen non come ben na nosa terra? Imposible que queden con fame porque, logo de encher a panza, como quedamos?

Fostes á Reconquista? Aínda estades a tempo de vivir unha fermosa viaxe ao pasado na que disfrutar dunha ampla variedade de acitividades para todas as idades, mercadillos artesanais, da representación da cita ineludible cos franceses e...despois un bo xantar!

Iso é. QUEDAREMOS COMA PEPES! logo dun BO PETISCO comido nun bo FURANCHO DESTA FERMOSA FESTA MEDIEVAL.

Conta a historia que o 28 de marzo de 1809, un alzamento popular logrou expulsar aos franceses e convertiu Vigo na primeira localidade de Europa que logrou expulsar ao exército de Napoleón dunha praza conquistada e, como recompensa, un ano despois, Fernando VII outorgou a Vigo o título de cidade" fiel, leal e valerosa!

Vai por todos os vigueses!Viva a Reconquista e, para o que non quede satisfeito, en breve disfrutarán da Brincadeira, na cidade de Bouzas.

Conversa informal co escritor Santiago Lopo

O alumnado de 1º de Bacharelato tiveron hoxe a sorte de disfrutar dunha animada charla co escritor vigués Santiago Lopo, quen nos visitou ás dez da mañá para ter unha conversa sobre a súa obra , A arte de trobar, que foi galardoada co Premio Xerais 2017 e que constitúe unha oportuna novela que recrea con rigor e acerto estético, coma se dun fresco románico se tratase, unha época relevante do noso pasado, concretamente no século XIII, que constata a existencia de luces nun contexto do que tantas veces só se subliña a súa escuridade. A obra mestura sutilmente humor e  amor nunha historia de intriga que ten coma eixo central a persecución de Elvira por parte de Guy de Lille. 

Resultou ser unha novela de áxil lectura e cun remate sorpresivo

Concurso Coca-Cola Novos talentos de relato curto

Benvidos á 11ª edición do concurso Coca-Cola Novos talentos de Relato Curto 2019.

Os alumnos de 2º ESO, Martín, Marta, Zoe, Alexandre, David, Leyre, Sabela, Yago e Santi que foron seleccionados para participar no concurso de Coca -Cola Novos talentos de relato curto, embárcanse na aventura que, coma reto persoal afronta máis de un de ser escritor ou escritora, polo menos por un día.

Ás 11:00, na Escola de enxeñería industrial do Campus Universitario Lagoas- Marcosende, recibirán un estímulo e todo o material necesario para poder escribir o seu relato .

Ilusión, imaxinación e moitas ganas de contar unha  historia, son as claves  dunha boa novela,  así que só nos queda desexarlles que disfruten da experiencia.

Se podes imaxinalo , podes contalo!

Moita sorte para cada un deles!

Bos días a todos!

Hoxe queremos aprendervos outras expresións moi utilizadas. Non podedes dicir que non as ceñecedes, eh!

IGUAL CHE DIGO UNHA COUSA QUE CHE DIGO OUTRA

A que nalgún momento, algún de vós dixo aqueilo de:" Vas caer" ou dicir na casa mamá ou papá: " 

éche o que hai". 

NON VAIAS PAPANDO MOSCAS

Todos os día son 8 de marzo: POR TI, MULLER!

Hoxe é un día especial, aínda que todos os días deberían selo. Por iso, queremos, desde este o noso recuncho, dedicarlles unhas verbas ás mulleres, seres excepcionales, enchidas de paixón que contribúen a dar a vida e sembrar amor. 

Velaí vai a nosa pequena homenaxe escrita en forma de texto. 

FELIZ DÍA, MULLER! 

Porque todos os días sexan 8 de marzo.

Entroido 2019

Desde o EDNL, este ano, aproveitando que temos con nós a uns invitados de excepción, os nosos alumnos americanos e as súas profes, quixemos celebrar unha das nosas festas culturais, o Entroido, cunha degustación de sobremesas típicas: filloas, orellas, flores, biscoitos, etc, para que puideran disfrutar dos pratos doces, acompañando a celebración da música tradicional galega e da visualización das comparsas nas distintas bisbarras galegas: Verín, Laza, etc. Pasámolo xenial e almorzamos de luxo con tantas larpeiradas que mandástedes da casa.

Grazas a todas as familias, coma sempre, pola vosa colaboración e agradecer aos compañeiros a súa inestimable colaboración e axuda.

Refráns marzo

Nin marzo con flores, nin moza sen amores.

Se marzo acabou e o cuco non chegou, algo ó cuco lle pasou.

Benvido o ENTROIDO!

Chega o Entroido! 

Nós xa estamos a preparar, cos máis cativos, os nosos disfraces e estamos ilusionados pensando en decirlles que é unha celebración que afunde as súas raíces na escuridade dos tempos pasados e que, como calquera das nosas tradicións, é un costume que debemos manter. 

Cos maiores. degustaremos deliciosas sobremesas típicas do Entroido que, coma calquera celebración galega, está moi vencellada coa comida e o entroido non podía ser menos.

Pero, antes de nada, un pouquiño de historia para aprendermos sobre outra das nosas tradicións:

Que é o Entroido? 

Entroido é unha festa popular que significa “entrada” ou “comezo” da primavera e o rexurdimento da vexetación. 

Os días de Entroido celébranse así,:

1. O Domingo de rapaces: É o primeiro do día de Entroido, os nenos e nenas preparan xiringas con auga para botarlle a xente.
2.  Domingo Fareleiro ou Borrallento: Os mozos bótanlle ás mozas farelo (a casca do gran) ou borralla.
3.  Xoves de Compadres: Os mozos pelexan coas mozas para quitarlles un boneco “o Compadre” feito por elas co desexo de queimalo. 
4. Domingo Corredoiro ou Oleiro: Continúase a botar farelo e borralla. Tamén celébrase o xogo das olas onde vaise pasando de uns a outros unha ola ata que escacha.
5.  Xoves de Comadres: Igual co Xoves de Compadres pero ao revés. 
6. Domingo, Luns e Martes de Entroido: Son os días de festa propiamente ditos, e cando se celebran nos distintos lugares os desfiles e comparsas e a xente disfrázase. Nas casa é cando cómese o cocido ca cacheira e de postre filloas, flores e orellas. 
7. Mércores de Cinza: Remátase a festa, quéimase o Meco ou entérrase a Sardiña, a xente participa como “viúvas”, “curas”, xente chea de dor. 
8. Domingo de Piñata: É o primeiro domingo do tempo de Coresma e remata definitivamente o Entroido xo xogo da Piñata.

Por que e para que se levan máscaras na celebración?

As máscaras presentan distintas formas segundo a zona ou a comarca onde se celebren. As máis coñecidas son: 

1. Os choqueiros ou vellos: Os máis comúns, a xente disfrázase ca roupa vella que atopa nos faiados. Atopámolos por toda Galicia, sen distinción de provincia.
2.  Os boteiros: Levan camisa feita con cintas de cores fruncidas, pantalón vermello, campás penduradas no van, na testa, un tocado de arame ou madeira cunha carauta pintada de negro e cos beizos pintados de vermellos. Son das terras do Bolo.
3.  Os xenerais: Montan sobre cabalos engalanados e vestidos con vellos traxes militares. Son das terras do Ulla. 
4. Os cigarróns ou peliqueiros: Levan cinco ou seis chocas penduradas no van, camiñan a brincos e non falan, na man levan un mallo. Podes velos en Verín e Laza. 
5. As pantallas: Levan unha vexiga na man e chocas tamén no van. Son de Xinzo. 
6. Os madamitos e as madamitas: Levan un vestido elegante e van disfrazados de señoritos. Son de Cotobade. 

E falando de sobremesas...adxuntámosvos un enlace con algunhas das típicas sobremesas que se degustan nesta festa.

Xa sabedes!...a cociñar xuntos e a degustalos en familia!

Novas expresións galegas

Aquí estamos de novo  con máis expresións típicas:

1. Vas durmir quente, 
2. amiguiños si, pero a vaquiña polo que vale,
3. En vez de caldo, vanche vir sopas,
4. O que ten medo, ten cu,
5. Ter cara de toxo,
6. Come, estudia e faite bo,
7. Estar escarallado,
8. Chegar e encher,
9. Non te aturo,
10. Leña verde e xente nova, todo é fume,
11. Estar podres de cartos,
12. Seguro que quedaches con fame, fághoche un bisté?
13. Mentres fales non comes,
14. Deixar a vergonza do galego...entre outras saídas das nosas. Coñecédelas? 

Visita á Domus e ao Aquarium Finisterrae

Espectacular o día que tivemos onte para disfrutar xuntos na Domus e no Aquarium finisterrae , na Coruña. 

A Domus busca espertar a curiosidade e provocar a reflexión sobre a especie humana, algo que conseguiu, con creces, nos nosos alumnos e profes pois, pasamos unha mañá, divertida,  lúdica e didáctica na que, tras a visualización dun vídeo sobre a contaminación mariña e a súa repercusión nas especies na sala de cine, gozamos con actividades como a de relaxarnos para gañar unha partida nun xogo que medía a nosa actividade cerebral, experimentando coa nosa propia sombra, vendo como reaccionan as nosas meniñas ante a luz, comprendendo por que nos parecemos aos nosos pais, medindo a velocidade dun tiro de penalti, observando a diferencia entre un corazón humano e o o dunha vaca ou contemplando as imaxes dun parto real, ademais  de tirar unha foto ao lado do home máis alto do mundo, entre outras,  das propostas coas que disfrutamos na casa do home.

Xa no Acuario miramos as focas femias e macho, os tiburóns touro, seriolas, enormes meros, peixes , polbos...entre algunhas das especies mariñas que puidemos contemplar neste complexo acuario. Inaugurado en 1999 aos pés da Torre de Hércules, á que subimos tras visitar o acuario, disfrutando dunha temperatura ideal e dunhas espectaculares vistas.
O Aquarium Finisterrae forma parte, xunto á Casa das Ciencias e a Domus-Casa do Home, o conxunto de Museos Científicos Coruñeses. No seu interior hai peceras, acuarios, piscinas, módulos interactivos e ata un submarino de cristal chamado Nautilus... un entorno natural nuha cidade con encanto. Unha experiencia para compartir en familia!

Un día diferente onte a parte máis lúdica axudou a reforzar a aprendizaxe dos nosos rapaces.

Visita de Ledicia Costas

Existen persoas simpáticas, antipáticas, lunáticas, aristocráticas, reumáticas… e indescritibles coma a señorita Bubble.

Na vila todo o mundo a chama a Meiga Caníbal pero… Quen é en realidade esa muller de aspecto peculiar?

Noa e Sofi, dúas nenas de espírito aventureiro están dispostas a descubrir que se agocha tras as portas da misteriosa Mansión Bubble...igual que nós tivemos hoxe, un día tan fermoso coma o día de San Valentín, para namorarnos, un pouco máis da súa escritora, Ledicia Costas,  que demostrou ter unha capacidade innata coa que cautivou  aos alumnos de 1º ESO e ás súas profes. Quedamos encantados de disfrutar dun rato coa creadora dunha fantástica historia. Divertida, tola, sensacional, excéntrica, unha novela fresca, chea de cousas e trebellos máxicos, con personaxes peculiares e mensaxes reivindicando á figura da muller . Quen non querería ser, coma a Señorita Bubble, inventora? e, ter un sombreiro cheminea? ...

L