O día 3 de abril, os alumnos de
3º ESO e os seus titores visitaron o Museo do Pobo galego, un lugar
emblemático que ocupa o antigo convento de San Domingos de Bonaval e que se
consolida como unha das visitas obrigadas para todos aqueles que desexamos
afondar na historia, os costumes e a tradición ademais dunha forma de vida
propia. A nosa. A de todos os galegos.
Visitamos varias das salas
permanentes dedicadas ao traxe, á música e á tradición galega amén de
disfrutar, da man de Carmen, a nosa guía, da explicación da tripla e
única escaleira orixinal helicoidal deseñada por Domingo de Andrade que constitúe un
dos elementos singulares do patrimonio de Compostela. Tamén disfrutamos das
explicacións sobre a orixe das regheifas, da orixe da rumba, da zanfona…gozamos
dunha maneira práctica e divertida.
Xa pola tarde, visitar o
Parlamento foi o mellor xeito de coñecer o labor que desempeñan os 75 deputados
e deputadas que nos representan como galegos.
Aprendéronnos as tres funcións (lexislativa, electiva e de control) da Institución, a súa organización e un pouco da súa historia; así como a visita ás salas onde acontece a actividade institucional diaria.
Aprendéronnos as tres funcións (lexislativa, electiva e de control) da Institución, a súa organización e un pouco da súa historia; así como a visita ás salas onde acontece a actividade institucional diaria.
Ningún comentario:
Publicar un comentario