O APALPADOR

 O APALPADOR

BO NADAL!

 

TEMPO DE REIS MAGOS, TEMPO DE INVERNO, TEMPO DE LECTURAS E DE LIBROS

Que marabilla é que che regalen e regalar libros! Os libros son o agasallo perfecto para as persoas lectoras, tanto para peques como para mozos e mozas. Son unha invitación a viaxar e a participar de outras vidas que poden estar tan lonxe como preto da nosa. Libros cos que aprender, coñecer, desconectar conectando con outros mundos e personaxes… En definitiva, libros que nos acompañarán o resto da nosa vida.

Ano a ano, entre os regalos máis desexados aparecen os libros, ao igual que entre os máis comprados... tanto para persoas adultas como para xente miúda como para adolescentes, e no caso destes últimos adoitan figurar na segunda posición do ranking, detrás dos videoxogos e videoconsolas.

Por mor da pandemia do Covid-19, este volve ser un Nadal diferente, distinto dos que ata agora coñeciamos, cheo de situacións que nunca pensamos que viviríamos, e con restricións necesarias para asegurar que todos poidamos volver ás aulas, tras as vacacións, con saúde, sen incidencias, sen sobresaltos e sen perigo á nosa “nova normalidade”.

Será precisa a responsabilidade colectiva e tamén a individual de todos nós; cómpre o respecto ás normas que nos ditan as autoridades sanitarias velando polo noso ben e, especialmente, pola integridade de aqueles que tanto queremos e que son os máis fráxiles, os nosos maiores.

Neste contexto dun Nadal caseiro, veñen na nosa axuda eses compañeiros extraordinarios que son os libros, compañeiros sempre fieis, coa súa vella apariencia en papel ou máis modernizados en formato de e-books ou tablets.

Serán días, tardes e noites de chuvia e de frío fóra, pero de calor e agarimo nas casas, coa nosa xente, entre panxoliñas, adornos e doces do tempo; entón nada mellor que buscar un recanto tranquilo e ler, ler sen présas, sen os agobios do curso escolar, o pracer de ler por ler, por gozar.

E aquí chegamos nós, ofrecendo unha escolma de libros cos que as Súas Maxestades poderán axudar nesa viaxe lectora, unha proposta suxestiva de títulos que enchan de horas felices este percorrido en tempos de Nadal e nos días de longo inverno que acabamos de estrear; as tardes de chuvia e as fins de semana de frío e pouca luz poderán verse amenizadas por lecturas abraiantes que nos trasladen, desde a comodidade dos nosos fogares a outros lugares e outras épocas para vivir mil aventuras.

Velaquí a nosa proposta invernal:

O APALPADOR

 

PASAMENTO DE DARÍO XOHÁN CABANA

      

D.E.P

Poeta, narrador e ensaísta, foi unha das figuras fundamentais da literatura galega de finais do século XX Darío Xohán Cabana (Cospeito, 1952) vén de falecer aos 69 anos. Foisenos o coñecido como «o gran poeta de Galicia». Manifestaba que empezara a escribir «por razóns patrióticas, por escribir en galego» e que sentía «un amor desesperado pola terra galega que chega a ser un sentimento físico, real».

DIFERENCIA ENTRE AFORISMO, APOTEGMA, AXIOMA, MÁXIMA, REFRÁN E OUTROS.

Benvidos a un novo curso no que empezarmos por repasar ou aprender conceptos importantes que utilizamos no nosos día a día e que, ás veces, non lle damos o valor que teñen. Velaí vai a nosa primeira lección (clica na palabra aforismo e como diría o gran poeta Horacio e que popularizou o filósofo alemán Kant,"Sapere aude" que significa 'atrévete a saber)

A min gústanme os refráns. Os meus avós eran moi refraneiros. É certo que os hai para todos os gustos e mesmo os hai contrarios co cal serven para confirmar calquera opinión. Pero, por outra banda son a nosa  bagaxe cultural, son a tradición oral que vai pasando de xeración en xeración, a sabedoría popular. 

Adoitan ter unha estrutura  pareada, dúas frases, e poden ser tanto en prosa como en verso.

A primeira colección de refráns atribúeselle ao Marqués de  Santillana no ano 1541. Imos, que de onte é a data... Imaxinádevos se teñen soleira. 

E sabedes que é a  paremiología? Pois segundo a  RAG:paremiología. (De  paremiólogo).1.  f. Tratado de refráns.

Os seguintes vocábulos poden entenderse como sinónimos, pero non o son. Polo menos a maioría contan con matices diferenciadores. Cales son entón as diferenzas entre adaxio, aforismo, apotegma, axioma, devandito, epigrama, máxima, proverbio, refrán e sentenza? 

Vexamos as definicións que ofrece o dicionario da RAG:

Adaxio (do latín adagĭ um) ‘sentenza breve, comunmente recibida, e, a maioría das veces, moral’.

Aforismo (do latín aphorismus, e este de o grego ἀφορισμός) ‘sentenza breve e doctrinal que se propón como regula nalgunha ciencia ou arte’.

Apotegma (do latín apophthegma, e este de o grego ἀπόφθεγμα) ‘devandito breve e sentencioso; devandito feliz, xeralmente o que ten celebridade por proferilo ou escrito algún home ilustre ou por calquera outro concepto’.

Axioma (do latín axiō ma, e este de o grego ἀξίωμα) ‘proposición tan clara e evidente que se admite sen necesidade de demostración’.

Epigrama(do latín epigramma, e este de o grego ἐπίγραμμα, inscrición) ‘pensamento de calquera xénero, expresado con brevidade e agudeza’.

Máxima(do latín medieval maxĭ ma ‘sentenza’, ‘regra’) ‘sentenza, apotegma ou doutrina boa para dirixir as accións morais’, ‘idea, norma ou designio a que se axusta a maneira de obrar’.

Proverbio (do latín proverbĭ um) ‘sentenza, adagio ou refrán’.

Refrán (do francés refrain) ‘devandito agudo e sentencioso de uso común’.

Sentenza(do latín sententĭa) ‘devandito grave e sucinto que encerra doutrina ou moralidade’.

Todos teñen en común a brevidade. As diferenzas son mínimas, excepto no caso de adagio, proverbio, refrán e sentenza que, segundo a Academia, son o mesmo.

E como guinda desta entrada deixámosvos con algúns refráns sobre o mes de novembro:

A primeiros de novembro quen non sementou que non semente.

A primeiros de novembro o teu lume acende.

Marzo trae as follas e novembro desposúeas.

Se novembro empeza ben, confianza é de ter.

De metade de novembro en diante, o inverno é constante.

Quen cava en novembro, o tempo perde.

A últimos de novembro, colle a túa oliva sempre. 

Novembro acabado, inverno empezado.

Esperamos que aprendésedes un pouco máis e volveremos con máis explicacións a modo de curiosidade.

SAMAÍN EN INFANTIL

Samaín, tempo de tradicións e, sobre todo de medo,  moito medo. Os máis pequenos achegáronse a este costume galego que se celebra na noite do 31 de outubro coincidindo co ano novo celta. Nesta noite, ánimas e mortos atravesan a porta que separa o mundo dos vivos e dos mortos e visitan as casas das súas familias para quentarse e tomar algo. Pasárono moi ben e disfrutaron uns días terroríficos nunha data que vivimos con intensidade no noso cole, pois realizaron diversas actividades ralacionadas co Samaín: contacontos,  pintaron cabazas arrepiantes,  con pantasmas,  coas bruxas e cancións tradicionais e outra inventadas xunto coa súa profe. 

FELIZ DÍA DAS BIBLIOTECAS!

 

                    " A liberdade, Sancho, é un dos máis preciosos dons que aos homes deron os ceos; con ela non poden igualarse os tesouros que encerra a terra nin o mar encobre; pola  liberdade, así como pola honra pódese e debe aventurar a vida, e, pola contra, o cativerio é o maior mal que pode vir aos homes"

CAPÍTULO LVIII da obra de Don Miguel de Cervantes, Don Quijote de la Mancha

.

VIGO EN IMAXES: O BERBÉS E O PORTO PESQUEIRO DE BOUZAS

IMAXES CON MEMORIA

Desde o EDNL apostamos por continuar ampliando o noso arquivo fotográfico sobre a nosa terra e É que, seguras estamos de que a máis de un, cando as mire, viranlle recordos á cabeza, emerxerán sentimentos, recrearán momentos vividos que teñen un valor incalculable. E , para nós, é unha maneira de mantérmonos vivos.

Disfrutemos de Vigo e de como eran a Ribera do Berbés e o porto pesqueiro de Bouzas.

A VENDIMA, QUE HAI MÁIS TRADICIONAL?

Outro reto acadado!

O outono dános moitas oportunidades para gozar dos nosos costumes: as castañas, as follas caídas, o mosto despois da vendima e, por suposto, acompañado todo dunha canción.

Tras case dous meses de traballo nas viñas vimos de recoller as uvas cando están maduras . A este traballo chámamoslle VENDIMAR e os nosos pequenos aprenderon que as persoas que realizan a vendima chámanse VENDIMADORES. Todos preparados con botas, mandilóns e tesoiras e guiados pola súa mestra, Tere, puxéronse mans á obra e debuxaron eles mesmos as súas uvas para despois colorear e como vendimar é unha tarefa que cansa, intentamos levala mellor cantando, pois os galemos somos xentes moi cantareiras e mantemos as nosas tradicións.

Dá gusto miralos bailar e cantar unha cantiga de labor de tanta raigame e tradición na nosa terra.

Seguro que os rapaces aprenderon moito das uvas e da súa colleita. A canción é moi pegadiza. 

Unha enorme aperta e parabéns polo traballo fantástico da súa profe, coma sempre, e cun remate moi marchoso. Xenial, rapaces!!!

Unha aperta forte e a seguir traballando coa lingua!

TOPONIMIA

 Que son os topónimos? Os topónimos son os nomes propios que se lle atribúen a un lugar, rexión ou país e pódense orixinar por características físicas ou materiais do espazo, por nomes dun individuo ( antropónimos), por nomes comúns derivados de linguas antigas ou arcaicas ou por causas descoñecidas. Moitas veces, a toponimia compleméntase coa xeografía, historia e outras ciencias. Pois nesta entrada, toca afianzar conceptos sobre a orixe etimolóxica dos nosos lugares. Velaí vai. Clica

Chegou o merecido e ansiado descanso: BO VERÁN!

Por fin chegamos ao final dun curso complexo e difícil que comezou aló no mes de setembro cunhas previsións que prometían poñernos as cousas complicadas a toda a comunidade educativa. Foi este o curso das máscaras, do xel hidroalcóholico, das ventás abertas, das restricións da mobilidade, da prohibición de reunións con non convivintes, das negras estatísticas... Non o esqueceremos nunca.

Pero tamén é certo que todos soubemos facer fronte á situación e hoxe podemos dicir que fomos quen de sacar adiante o curso e de loitar coas dificultades.

Cómpre felicitarnos polo deber cumprido e desexar a todos un bo verán, unhas merecidas vacacións para recargar as pilas e volver o próximo curso con ánimos renovados.

Desde o EDNL do cole e de parte de todos os equipos, membros e por suposto da dirección , queremos felicitarvos polo traballo feito durante este tempo. Aínda que, coma sempre, hai excepcións, a maioría de vós demostrastes constancia e dedicación nas tarefas que enviastes, sobre todo, tendo en conta que fixestes un esforzo autónomo dun xeito e nun medio no que non estabades afeitos a traballar desde o inicio da pandemia.

Deberemos seguir mantendo as normas e continuar actuando con prudencia e “sentidiño”, coidando de nós mesmos e dos demais nesta loita contra o virus, ese inimigo que espera agochado a que baixemos minimamente a garda para colarse nas nosas vidas.

Aos nosos queridos alumnos queremos transmitirlles os nosos mellores desexos para os vindeiros cursos e ,en xeral, para o futuro. Recordade: “Work hard, dream big, never give up”: traballa duro, soña en grande , nunca te rendas.

Con esforzo e constancia chegaredes lonxe!

Disfrutade moito de verán, das ondas do mar, da calor sufocante, dos amigos, do pracer da lectura, do solpor, pero sempre con cautela e tendo en conta que o virus aínda está con nós. Así que, como dicimos os galegos: con sentidiño, pouco, pero que dure e coidade dos vosos pais; axudádeos, escoitádeos, mimádeos, porque eles son o máis importante nas vosas vidas. Son o piar básico da aprendizaxe da vida e dos vosos valores. A eles, GRAZAS, da nosa parte por estar sempre aí.

Unha forte aperta e un bico a todos, vémonos polo cole! Ata a volta, aí van os nosos desexos: 

BO VERÁN !

Solpor na praia das barcas, Coruxo.

ENTREGA DOS PREMIOS REC-CURTA 2021

Hoxe, ás 10 h tivemos a sorte de disfrutar da compañía de Dª Charo Valeirón Sóñora, que veu entregarlles os premios Rec-curta aos alumnos de 4º ESO que recibiron polas curtametraxes A lenda da virxe do leite ( 4º C) e A miña vida nas túas mans ( 4º B). 

Parabéns a todos os gañadores!

IX CONCURSO DE RELATOS COMO CAMBIA O CONTO.

 

Co gallo da celebración do “Día das Letras Galegas”, convocouse o IX Concurso de Relatos para alumnos/as de Educación Primaria e Secundaria Obrigatoria promovido polo Museo Liste no que participou a nosa alumna d 4º de Educación primaria, resultando premiado na convocatoria convocada  Categoría B: 3º e 4º de Educación Primaria á que se presentou co seu relato “Rapunzel non quere casar” que gañou.

Parabéns para Alicia González-Rae Arias (4º de Educación Primaria do Colexio Mª Inmaculada – HH Carmelitas). Que a paixón pola escritura te siga guiando así de ben na escrita!!

Compartímosvos o seu relato

ENTREVISTADOS POR UXÍA, LOCUTORA DA COPE VIGO

O venres, 28 de maio, os alumnos e as súas respectivas profesoras foron entrevistados pola redactora da Cadena Cope, Uxía Perdiz.

Por mor da pandemia non puido ser presencial, pero disfrutaron coma ananos unha vez máis.

REC-CURTA 2021

Onte pola tarde, 26 de maio, entregáronse os premios literarios Frei Martín Sarmiento, que xa van pola súa décimo sétima edición, e os da duodécima edición do certame de curtametraxes REC-Curta apoiados pola Secretaría Xeral de Política Lingüística e que contan co patrocinio de Cans e das editoriais galegas. 

O acto foi presentado por Charo Valeirón Soñora, encargada do Departamento de Inovación pedagóxica de Escolas Católicas, acompañada do presidente da xunta directiva, Juan Manuel Buján e polo secretario xeral de Política Lingüística, Valentín García.  

Os nosos alumnos presentaron dúas curtametraxes; A lenda da virxe do leite, presentado por Gabriel, José Luis, Alexandre, Ana , Aurora e Alejandro de 4º C, A miña vida nas túas mans , de 4º B, composto polo equipo formado por Ruth, Leyre, Noa, Ana, Loaira, Zoe,  Martín, Fer, Yago, Santi, Isaac e Wen.

Hoxe é un gran día e debemos felicitalos, pois ámbalas dúas curtas tiveron premio ao traballo en equipo e á integración dos valores, respectivamente.

En setembro, que é cando se celebrará o festival de Cans, serán os invitados de honor.

Parabéns a todos por participar!!!

DESAFÍO 48 HORAS EN GALEGO!

O desafío de falar en galego durante 48 horas en galego!

O Equipo de Normalización e Dinamización Lingüística do cole que propoñervos un reto. O reto de falar galego durante dous días seguidos. Así, os días 18 E 19 de maio de 2021, esperamos que os nosos alumnos, os profesores e o persoal de administración e servizos participedes no Desafío 48 h, algún de vós intentarao só durante o horario escolar e a maioría procurará facelo tamén fóra, esperemos, nos diversos ámbitos e contextos en que viven día a día: familia, deporte, grupo de amigos... Unha proposta coa que pretendemos fomentar a lingua galega entre a nosa mocidade e reforzala .

Animádevos!! Xuntos conseguirémolo! 

DÍA DAS NOSAS LETRAS: XELA ARIAS

 

Todos os alumnos do colexio traballaron e aprenderon quen é a persoa á quen este ano se lle dedica o día das letras: Xela Arias. Por iso, desde todos os niveis e coas profesoras, os rapaces fixeron o seu labor querendo celebrar así a importancia das nosas letras traballándoo de distintas maneiras: PPT, bailes, crucigramas, vídeos, exposicións orais...e como pequena mostra, compartímosvos o seu labor.

ÁRBORES GALEGAS

 

AVES GALEGAS

 

FELIZ DÍA A TODAS AS NAIS!

Tiña unha fita roxa no cabelo.

lembro todas as flores dos meus vasos de nena.

Tiña bicos a tarde,qué tesouro,

e bulía en buratos para dentro dos teus ollos.

A tarde tiña áas de paxaro,quentiño,quentiño,

as túas mans,riscadas do traballo,

calaban moitas veces para carexarme miúdo…

Eran días sen medo ós corvos sobre a testa

porque todo era estrela.

Logo,qué logo,houbo voar de follas,nomes,xentes.

Abrin portas,pecheiras;non se acouga con tanta multitude;

corrín a ser muller.E na tola carreira,perdín a fita roxa

que me chamaba nena.Debeu levala o vento

co froito dos anos,meus anos…

¿Pra qué terían áas de paxaro os dedos

que niñaban limpezas no cabelo?

Nai onte laveiche os ollos.E na palma mollada

repousaron aquelas tardes,a fita dunha vida mellor.

Ollos da miña nai.Cobizos de lareira sempre ao fogo.

¡Seica os ventos vos perden ou vos choran!…

Sen eles,a miña historia non ten ollos

Torres, Xohana (1953) in Aturuxo. Revista de Poesía e Crítica

ANIMALIÑOS DA TERRA

 

FELIZ DÍA DO LIBRO!

 “O amor pola lectura é algo que se aprende pero non se ensina. Do mesmo xeito que ninguén nos pode obrigar a namorarnos, ninguén nos pode obrigar a amar un libro. Son cousas que ocorren por razóns misteriosas. Pero do que si estou convencido é de que hai un libro que agarda por cada un de nós. Nalgún lugar da biblioteca hai unha páxina que se escribiu para nós"

        Alberto Manguel

ANIMALIÑOS DO MAR

UTENSILIOS DE COCIÑA

 

FELIZ PASCUA!!

                                                                 

CRISTO VIVE!!! 💗

                                                                     ESTADE SEMPRE ALEGRES!!! 

AS FROITAS

 

DOMINGO DE RAMOS

 

CONCURSO COCA-COLA

Na mañá de hoxe, os nervios percorrían os corpos dos nosos alumnos e a través das súas facianas viamos aflorar a tensión que supuña para eles presentarse ao concurso Coca-cola, Novos talentos.  

Formato novo. Cos seus ordenadores acesos, ás 11:00 conectábanse, con tempos espaciados para concursar e, salvo os fallos do directo, empezaron a escribir. O estímulo: un veciño vello e un can.

Boa sorte a todos os participantes!

Disfrutade desta aventura ! Para nós xa sodes gañadores. Agora só queda que demostredes que ben o podedes facer.

RECEITA

 Velaí vai a receita elaborada por Antonela de 2º ESO B

DÍA DE ROSALÍA DE CASTRO!

 

Imaxe orixinal de Pablo Carreiro, ilustrador

𝘿𝙄𝘼  𝘿𝙀  𝙍𝙊𝙎𝘼𝙇𝙄𝘼

Polas rúas de Santiago

Pasaron as túas penas. 

Polos vales e montañas

Soaban nos teus poemas

Badaladas de xustiza

Para a nosa triste terra. 

Cando brincaba nos ventos

A campá de Bastavales

Polo teu maxín pasaban

Os máis fermosos lugares

Que amencían na Galiza

Sementándoa de  verdades. 

Abride a fiestra a un mar

Que arrecende a vida

E que medra nas almas

Dos Galegos. 

Abre a fiestra ó teu mar, 

Poderosa Galiza, 

E leva novos soños

Polos ventos. 

Luciano do Monfadal

NOVA RECEITA ELABORADA POR CAYETANA BOUBETA VÁZQUEZ

 RECEITA TRADICIONAL elaborada pola nosa alumna Cayetana ( 2º ESO B ) e máis a súa avoa.

PROBADE A FACELA E COMPARTIDE CON NÓS OS VOSOS VÍDEOS.

DÍA DA NOSA LINGUA

Lingua doce, sentida, fermosa, sincera, propia...así é a nosa lingua .

 

AS NOSAS VERBAS FAVORITAS

Desde o Departamento de lingua galega, igual que se fixo en lingua castelá, eleximos, por votación, aquelas verbas que consideron os noso alumnos as máis fermosas do galego.

A través deste vídeo, teredes as que foron elexidas polos alumnos dos distintos cursos , desde Educación infantil ata 6º Educación primaria e, cos maiores, desde 1º ESO ata 2º Bach, as verbas seleccionadas, foron utilizadas para crear un texto literario onde se recolleron todas .

Disfrutade coa musicalidade, agarimo e tenrura coa que soa a nosa lingua.